Tjoam en Kneles

Klooster Ter-Apel

Een tijdsbeeld van de voorstelling 'olwiefkenijs' mitsgaders de rare ideeën van een gepensioneerde dorpsdirigent.

Olwiefkenijs

Deze week (20/6/2015) flyers over de voorstelling verstuurd naar diverse instanties. Ik merkte dat de markt hier ook verzadigt is maar toch ook leuke reacties ontvangen en... misschien nog het theater in? Ik wacht maar af. k Wil proberen een G klarinet te kopen de klank bevalt me wel, zou mooi zijn voor de voorstelling. Verder geen nieuws behalve dat mijn blog deze maand 444 keer bezocht is en dat is voor een amateur narcist toch leuk.

 

Het verhoal over Tjoam en Kneles (in t Grunnegs)

Twij òle vrijgezellen dij nooit thoes oet goan binnen. Ze woonden in De laite dat ligt bie Bennewole. (De Lehte bij Bellingwolde) Enjo vd Laan heeft in 1893 Grietje Iezer vermoord. Het klooster Palmear lag in het Reiderland en er woonden in 1288 bij een volkstelling 191 nonnen.

 

Kneles zit gain stevegaid in en ze kint nait miemern. Dat komt ze hebt gain verstand t’is aal roemte, din proat je in de roemte en as je in de roemte proatn din heb je gain verstand. Ze hebt ter wat veur kregen, t hèt nait holpen, nou lullen zo ook nog oet heur nek. Je moutn het n aitske vergelieken mit onze regeern, ze bedoulen het goud mor ze kint heur beter stil hollen.

Lezen en schrieven wil ook nait. Domie kwam langs, slagt Kneles gauw biebel open, dut net of è aan t lezen is. Domie zegt “holst biebel op kop Kneles” dat wait k wel zegt Kneles, dat komt ik bin links domie.

k Zal joe wat vertellen

over Kneles vd Loan.

Hai hoesde in de Laite

vèr bie de mìnsen vandoan.

Kneles vd Loan

was een smokkeloar.

Leefde bie nacht en ontied

van stropen en smokkelwoar.

Kneles proat ik laiver nait over. Hai het in t hok zeten, het Grietje Iezer stoken in t lief. Ons volk hèt hom links liggen loaten, èfwe nog drokte om had der waren bie dij luiten hom rechts liggen. Je konnen mit dij slongel gain kaante op. Toun hai dood goan is hebt ze hom zittend begroaven, hai mos nog drij joar zitten.

Tjoam dij kin ik toun haar è nog bottertanden. Zien mouder was 14 joar toun ze van hom luip. Kerel, n wild vremde, het heur lopen lotten. Ze het 10 moanden lopen, ze hebt nooit aan tied docht. Toun Tjoam der was zaggen ze t vot wel, ze konnen hom nait bruken.

In t klooster

Toun mos hai t klooster in, het hai gelok had, doar konen ze hom wel bruken. In t klooster Palmear in t Raiderlaand woonden tounderstied 191 nonnen. “Mooi waark mit zoveul vraauwlu,” zee noaber en brabbelde in zuch zulm “as je t redden kinnen.” Ze haren ook n kapel in t klooster doar gingen ze miemern. Noa wat zoezerij mog Tjoam n keer mit, aal nonnen waren aan t miemern mit kop noar beneden. Dij donder docht Tjoam“ kop nait hangen lotten wichter è.” Pssst... zee der aine, ze keek hom niedsk aan. t Was der moesstil...vrezelk laankwieleg.

Toun schoot hom in kop dat hai nog n knikker in buuts haar, pakte t en net of t zo wezen mos vuil t op grond. Het ding rolde onder dij laange klaid van zuster Jéremia.Tjoam haar toun ook wat te miemern, hou hai zien knikker weer kreeg. Hai Keek bunzelachtig om zuch tou, ging gloepstreeks op knijen, tilde t klaaid n aitske omhoog mor t was doar pikkeduuster onder dij rokken. Zo zo docht Tjoam zai knipt dus de poes in t duustern, wait ik dat ook weer.

Der zat niks aans op hai mos der mit kop onder, goud en wel zat hai mit kop onder rokken zee zuster Josua dij achter hom ston ...amen...dee heur ogen open...knipperde nog wat en bölkte sloek tou haals oet “Stront aan de knikker.”

t Zol toch nait woar wezen docht Tjoam k haar t nog poetst. Aal nonnen bölkten in koor „knikker hom tou t klooster oet." Onderwiel haar Tjoam zien knikker weer en stammelde ”niks aan de knikker è hai is nog zo mooi schoon.” Was niks aan te doun, Tjoam wer tou klooster oetknikkerd.

t Bèste mor weer
Tammo