n Boetenòfster kunstenoar.
Nou... heb k ook wat had
in winkel ston n kunstenoar oet stad.
Hai pruit hoog hoarlemmerdieks
wat gaf dat veul bekieks.
Èlk begon in ains aans te proaten
Ze haren t zulf nait in de goaten.
Tegen mous zeden ze 'boerenkool'
din binnen je toch n haalve zool.
Kerel zee ook nog wat tegen mie
k heb niks verstoan, k heur door nait bie.
Ze vinden ons volk zo stug
Mor ja…ze vaalen ook over elke mug.
Wat doun dij lu toch hier
moaken ze gunders niks schier?
Ze lopen ook nog op steun
t’is ain en aal gekreun.
Lotten ze mor aan t waark goan
lotten ze dij rommel mor stoan.
Dat nijmootse spul snap je toch nait
Man...man... dij lu…t is n aarm verdrait
Groetjes
Tammo de Wilde
Geen opmerkingen:
Een reactie posten