n Grunneger cultuur vanaf 1945-2014
t Meroal van t verhoal,
binnen we t òle vergeten?
Hou is t mit onze toal,
is t doan of is t versleten?
t Begon op schoul in de eerste klas
kop wer joe keert, omstoan leert.
Mous wer boerenkool, miegen een plas
t zol nooit meer wor’n zo as t was
We zongen t Wilhelmes, oranje boven
t Grunnegs laid dat wer nait doan.
We leernde boegen, de keuningin loven,
onze cultuur zaggen ze nait stoan.
Swiet soamen gaait verdwienen,
kinder kinnen ons nait meer verstoan.
Wat mout je doun, t is om te grienen
t Is aal geven der wordt niks aan doan.
Ze trekken ons nog altied deur de sliek
Lotten ze t mor doun, t is ons nègeliek.
Mor vanbinnen zit t daip ons verdrait,
gelokkeg hebben we nog ons Grunnegs laid.
Maal Tammo © 1945-2014
Geen opmerkingen:
Een reactie posten